SEIXO PASTOR, MARCOS
Se hai algunha figura que cómpre destacar do xornalismo do noso país de principios de século XX, este non é outro qe Xoán Xesús González. Na súa persoa axúntanse unha serie de valores que o identifican claramente como un home comprometido co seu tempo, co galeguismo e co país que o viu nacer. Cuntiense de orixe, Xoán Xesús desenvolveu un laobr moi importante nos campos do xornalismo, a narrativa, o teatro, o ensaioe, moi especialmente, na política e o sondicalismo, eidos dende os que combateu ferozmente o abuso de poder e os totalitarismos, sempre en defensa da democracia e dos que menos recursos tiñan. Promotor literario, libreiro e editor, destacou tamén como avogado de prestixio na época, nunha etapa clave para o galeguismo e para o desenvolvemento de a identidade propia de Galicia. A recuperación da figura de Xoán Xesús González nesta colección de Galegos na Historia é un xusto recoñecemento a un labor teimudo e constante de loita e defensa dos valores democráticos nunha etapa moi difícil para a historia española e galega.
